阿米朗7場入7球　紐卡素升上第3啦

最強博彩盤路過關神器《串績王》：http://win.on.cc/football/　

紐卡素成為今季英超最強「攔路虎」，佢哋周日(6日)晚英超作客大勝修咸頓4比1，升上第3位。紐卡素近7場聯賽有4場攻入對手4球或以上，火力非常驚人，中場米基爾阿米朗近7場入7球，成為「喜鵲」崛起嘅大功臣。

紐卡素反客為主，由米基爾阿米朗、基斯活特、祖爾韋洛克各入1球，一度領先3比0。雖然修咸頓由羅曼佩拉特追番1球，但補時紐卡素再由般奴古馬雷斯入波，大勝4比1。

加上熱刺輸波，紐卡素趁機升上第3位，落後踢少1場嘅榜首阿仙奴7分。雖然話紐卡素要爭標言之尚早，但應該有能力爭取前4位，參加下屆歐聯。

至於修咸頓2連敗之後，已跌落尾3降班區，領隊夏辛侯迪有可能被炒。