Shell油站消費賺yuu積分 強強聯手 使1蚊賺1分

黛安收到風，全港大型獎賞計劃yuu最近同Shell合作，而家喺Shell全港41個加油站消費，即可賺取yuu積分，更可以yuu積分兌換現金券。即日起，yuu會員喺Shell油站入油、汽車護理及購物，每消費$1即可賺1 yuu積分，如果以恒生enJoy卡簽帳，更可以賺取雙倍積分㖭；會員亦可以喺yuu程式內，以積分兌換Shell嘅現金券使用。

另外，仲有迎新優惠，即日起至8月13日期間，yuu會員首次去Shell油站消費，即可賺取5倍yuu積分㗎。

黛安聽yuu行政總裁Danni Peirce講，yuu自2020年推出以來，會員人數已經超過390萬，佢話好高興今次可以同Shell合作，共同擴闊yuu嘅網絡。

香港蜆殼有限公司零售業務總經理梁淑敏亦話，好高興可以同yuu合作，等顧客可以賺取yuu積分並兌換獎賞，令每段旅程都可以充滿回報。